ატლასი (ატლანტი)

ატლასი - ტიტანი იაპეტის და ოკეანიდი კლიმენეს ვაჟი. მენეთევსის, პრომეთეს და ეპიმეთეს ძმა. ცოლად მოიყვანა ოკეანიდი პლეიონე, ვისგანაც ეყოლა ქალიშვილები - პლეადები.

იმის გამო, რომ ატლასი ტიტანომახიაში ტიტანების მხარეს იბრძოდა ზევსის წინაამღდეგ,  იგი დასაჯეს და აიძულეს თავისი მხრებით დაემაგრებინა ცის თაღი. ატლასის ადგილსამყოფელად უკიდურესი დასავლეთი მიაჩნდათ, ჰესპერიდების ბაღის მახლობლად. 

სხვა ვერსიის მიხედვით ატლასს დააკისრეს მეთვალყურეობა ბოძებზე, რომლებიც დედამიწას ცისგან ყოფდნენ.

ატლასი იყო ღმერთი, რომელმაც კაცობრიობას ასტრონომიის ხელოვნება შეასწავლა, ამ ცოდნით სარგებლობდნენ მეზღვაურები ნავიგაციაში და ფერმერები სეზონებზე დაკვირვებისას. ატლასში ეს როლები გაერთიანდა,  ის გახდა ღმერთი, რომელიც აბრუნებს ვარსკვლავებით მოჭედილ ცას თავის ღერძის გარშემო.

ჰელიოსი

ჰელიოსი - მზის ღმერთი. ტიტან ჰიპერიონისა და ტიტანიდი თეიას ვაჟი. სელენეს(მთვარე) და ეოსის (განთიადი) ძმა.

მითების მიხედვით

ვინაიდან ჰელიოსი მაღლა ცაში იმყოფებოდა, მისთვის ცნობილი იყო ყველა ადამიანის და ყველა ღმერთის საქმეები. დანაშაულისთვის მას შეეძლო დაებრმავებინა. ამიტომაც უხმობდნენ მას მოწმეები და შურისმაძიებლები. სწორედ ჰელიოსი ეტყვის დემეტრეს, რომ მისი ქალიშვილი პერსეფონე აიდმა მოიტაცა.  ჰელიოსმა მიუტანა ენა ჰეფესტოს მისი მეუღლის აფროდიტეს მოღალატეობრივ კავშირზე არესთან. ჰელიოსმა ასევე უთხრა არტემიდეს იმის შესახებ, რომ მეფე იონეოსმა ღმერთების სიაში არ ჩართო იგი, რის გამოც არტემიდემ უზარმაზარი კალიდონური ტახი მიუგზავნა იონეოსის სამეფოს.

სელენე

სელენე - მთვარის ქალღმერთი. ტიტან ჰიპერიონისა და ტიტანიდი თეიას ქალიშვილი. ჰელიოსის (მზის) და ეოსის (განთიადი) და.

სელენეს ზოგჯერ მენსაც უწოდებენ, მისი კულტი აღმოსავლეთიდან შემოსული ჩანს. სელენეს წარმოშობის შესახებ არსებული მითი მას მზესთან აკავშირებს.

სელენეს ატრიბუტებია  დიდრონი ფრთები და თავზე ოქროს გვირგვინი. თითქოს სელენე დაქრის ცაზე მშვენიერი, ბრწყინვალე ეტლით, რომელშიც წყვილი თოვლისფერი ცხენია შებმული (ერთი ვარიანტის მიხედვით ეტლში ხარებია შებმული, რომელთა რქები ნამგალა მთვარის სიმბოლური გამოსახულებაა). ცის ტატნობის გადავლის შემდეგ სელენე ოკეანეში იმალება.

ეოსი

ეოსი - განთიადის ქალღმერთი. ტიტან ჰიპერიონისა და ტიტანიდი თეიას ქალიშვილი. ჰელიოსის (მზის) და სელენას (მთვარის) და.


ზოგი მითის მიხედვით ეოსი ჰელიოსისა (მზე) და ნიქტის (ღამე) ქალიშვილია.

ასტრეოსისაგან ეოსს ცხრა შვილი შეეძინა:  ოთხი ქარი:  არგესტესი (სამხრეთ-დასავლეთის ქარი),  ზეფიროსი (აღმოსავლეთის ქარი), ბორეასი (ჩრდილოეთის ქარი), ნოტოსი (სამხრეთის ქარი) და ხუთი მოხეტიალე ვარსკვლავი: ფოსფორი (ცისკრის ვარსკლავი ანუ ვენერა), ფაინონი (სატურნი), ფაეტონი (იუპიტერი), პიროეისი (მარსი), სტილბონი (მერკური)

ეოსი თითქოს ოკეანის აღმოსავლეთით ცხოვრობს,  და დილაადრიან გამორბის ორცხენიანი(ლამპოსი და ფაეტონი) ეტლით, ან მოფრინავს თეთრი ფრთებით, რათა ქვეყანას თავისი ძმის - ჰელიოსის(მზე) მობრძანება აუწყოს. მომავალ ეოსს ესალმება დილის ვარსკვლავი, დანარჩენები კი მის გამოჩენაზე იბნიდებიან და ქრებიან.

ასტერია

ასტერია -  ტიტან კოიოსისა და ტიტანიდი ფებეს ქალიშვილი. ლეტოს და.
პერსესის ცოლი, ჰეკატეს დედა.

ასტერია ვარსკვლავური ღვთაებაა, ის მფარველობდა ღამის ორაკულებსა და წინასწარმეტყველებებს, მათ შორის წინასწარმეტყველურ სიზმრებს, ნეკრომანტიას და ვარსკლავთმრიცხველობას(ასტროლოგიას)

ტიტანების დამარცხების შემდეგ ზევსი ცდილობდა ასტერიას შეცდენას, არწივად გადაიქცა და კვალდაკვალ მისდევდა ვარსკვლავურ ღვთაებას. ასტერია კი მწყერად გადაიქცა და ზღვაში ჩახტა. მის სახელწოდებას ატარებს ქალაქი ასტერია(მოგვიანებით დელოსი).

სხვა ვერსიით, როდესაც ასტერიამ უარი თქვა ზევსთან კავშირზე, ზევსმა ის მწყერად გადააქცია და ზღვაში ჩააგდო, იგი მოგვიანებით იქცა მოხეტიალე კუნძულად, რომელსაც ორტეგია უწოდეს, შემდეგ კი დელოსის სახელწოდებას ატარებდა. სწორედ ამ კუნძულზე შვა აპოლონი და არტემიდე ასტერიას დამ - ლეტომ.

სხვა ვერსიის მიხედვით, ზევსი დაეუფლა ასტერიას, ასე ქვეყანას მოევლინა ჰეკატე. შემდეგ კი ცოლად პერსესს გააყოლა.

ლეტო

ლეტო - ტიტანი კოიოსისა და ტიტანიდი ფებეს ქალიშვილი. ასტერიას და.
ჰერამდე იყო ზევსის ცოლი. ზევსისგან ლეტომ დაბადა ტყუპები: არტემიდე და აპოლონი.

ძველ ბერძნებს ლეტო წარმოდგენილი ჰყავდათ უწყინარ და მოალერსე, შავ ტანსაცმელში გამოწყობილ ქალღმერთად.
როგორც თქმულების, ისე კულტის მიხედვით, ლეტო მჭიდროდაა დაკავშირებული თავის შვილებთან. მას, როგორც მათ დედას, ეთაყვანებოდნენ.  ლეტო  დედების, ახალგაზრდა წყვილების მფარველად ითვლება. იგი ასევე თავმდაბლობას,  ქალურ მორიდებულობას განასახიერებს.

ჰომეროსის მიხედვით ზევსს ლეტო ჰერაზე დაქორწინების შემდეგაც უყვარდა. დაეჭვებული და განრისხებული ჰერა დაედევნა ფეხმძიმე ლეტოს და არ მისცა მიწაზე მშობიარობის შესაძლებლობა. ბოლოს ზევსის ბრძანებით ზღვაში ამოიზარდა კუნძული დელოსი, ლეტო იქ გადავიდა და შვა არტემიდე და აპოლონი.

ასტრეოსი

ასტრეოსი - ტიტან კრიოსის და ევრიბიას ვაჟი. პალანტის და პერსესის ძმა.

ასტრეოსი ბინდს განასახიერებდა. გარაკვირი არაა, რომ მან განთიადის ქალღმერთი ეოსი მოიყვანა ცოლად.
მათ ცხრა შვილი შეეძინათ, რომლებიც ციურ მოვლენებს უკავშირდებიან:

ოთხო ქარი: არგესტესი (სამხრეთ-დასავლეთის ქარი),  ზეფიროსი (აღმოსავლეთის ქარი), ბორეასი (ჩრდილოეთის ქარი), ნოტოსი (სამხრეთის ქარი)

ხუთი  მოხეტიალე ვარსკვლავი: ფოსფორი (ცისკრის ვარსკლავი ანუ ვენერა), ფაინონი (სატურნი), ფაეტონი (იუპიტერი), პიროეისი (მარსი), სტილბონი (მერკური)

ასტრეოსი ვარსკლავების და პლანეტების ღმერთად ითვლება. ქარების მობრძანება ვარსკვლავური და პლანეტარული განლაგებით იყო განპირობებული. შესაბამისად ასტრეოსი ასტროლოგიასაც მფარველობს.

ერთ ერთი ვერსიის მიხედვით ასტრეოსი იყო ერთ ერთი გიგანტი, რომელიც გიგანტომახიაში ღმერთების წინაამღდეგ იბრძოდა.

პერსესი

პერსესი - ტიტან კრიოსის და ევრიბიას ვაჟი. პალანტის და ასტრეოსის ძმა. ცოლად შეირთო ბიძაშვილი ასტერია, კოიოსის და ფებეს ქალიშვილი.
პერსესს და ასტერიას ყავდათ ერთადერთი ასული - ჰეკატე.

პერსესი თავის ძმასთან პალანტთან ერთად ომის მფარველებად ითვლებოდნენ.
პალანტი ბრძოლის ხელოვნებას მფარველობდა. მისი სახელი უკავშირდება სიტყვას pallo, რაც შუბის ტყორცნას ნიშნავს. ხოლო პერსესის სახელი უკავშირდება სიტყვებს persô, perthô, რაც ნგრევას და დაცარიელებას ნიშნავს. უნდა ვივარაუდოთ, რომ პერსესი ომის სწორედ ამ თვისებებს განასახიერებდა.

სხვა ვერსიის მიხედვით პერსესი ჰელიოსის და ოკეანიდი პერსეს ვაჟია, რომელიც ტავრიდაში გამეფდა. ის ქიშპობდა თავის ძმასთან კოლხეთის მეფე აიეტთან.  პერსესი მოწამლა მისმა ქალიშვილმა ჰეკატემ და გამეფდა ტავრიდაში. შემდეგ კი ცოლად გაყვა საკუთარ ბიძას აიეტს.

პალანტი (პალასი)

პალანტი - ტიტან კრიოსის და ევრიბიას შვილი. ასტრეოსის და პერსესის ძმა.
ოკეანიდ სტიქსის ქმარი, ნიკეს (გამარჯვება), ზელოსის  (შური), კრატოსის (სიძლიერე) და ბიას (ძალა) მამა.

პალანტი ითვლებოდა ომის ხელოვნების და მეომართა მფარველ ღვთაებად. სიტყვა ”pallo” ბერძნულიდან ითარგმნება როგორც ტყორცნა (შუბის)

ერთ ერთი ვერსიის მიხედვით პალანტი ერქვა გიგანტომახიაში მონაწილე ერთ ერთ გიგანტს, რომელიც ათენამ კლდის ნატეხის ტყორცნით  დაჭრა და  შემდეგ ცოცხლად გაატყავა. მისი კანით მან ფარი შემოსა, ხოლო მისი ფრთები თავის მხრებს მიუმაგრა. იმ მომენტიდან  მისი სახელი ( ”პალადა”) ათენას ერთ ერთ ზედმეტ სახელად იქცა.

პალანტის სახელს ატარებს ქალაქი პალენე აჰაიეში.(დასავლეთ საბერძნეთი)

სხვა ვერსიის მიხედვით პალანტი ათენის მეფის პანდიონეს და პილიის ვაჟია, ეგეოსის ძმა და თეზევსის ბიძა, რომელიც მანვე გამოასალმა სიცოცხლეს.
მამის სიკვდილის შემდეგ პალანტი და მისი ძმები ლიკი, ნისი და ეგეოსი ათენიდან მეთიონის ვაჟიშვილები განდევნეს და თვითონ გაინაწილეს ატიკა, პალანტს ერგო სამხრეთ ატიკა.

კლიმენე

კლიმენე - ერთ ერთი ოკეანიდი. ოკეანოსის და ტეთისის ქალიშვილი.
ჰესიოდეს მიხედვით კლიმენე ტიტან იაპეტის ცოლია, ატლანტოსის, მენეთევსის, პრომეთეს და ეპიმეთეს დედა.

ტიტანი იაპეტი განაგებდა ადამიანების ცხოვრების ხანგრძლივობას, მისი მეუღლე კლიმენე კი ხსოვნას, რომლისთვისაც იბრძოდნენ მოკვდავები მთელი ცხოვრება, რომ სიკვდილის შემდეგ მათი სახელი დარჩენილიყო ცოცხლებს შორის.

სიტყვა კლიმენეს მამრობითი ფორმა - კლიმენოსი იყო ჰადესის ერთ ერთი პოპულარული ეპითეტი.

კლიმენეს ხშირად უწოდებდნენ აზიას, ვინაიდან მიაჩნდათ მცირე აზიის (დღევანდელი თურქეთის) ქალღმერთად.

აზიას უწოდებდნენ ასევე პრომეთეს ცოლს ჰესიონეს, რის გამოც, ხშირად კლიმენეს აიგივებდნენ მასთან.
ასევე ხშირად ოკეანიდ კლიმენეს აიგივებდნენ ნიმფა კლიმენესთან, რომელიც ჰელიოსის შეყვარებული და ფაეტონის, ასტრიდეს და ჰელიადების დედა იყო.

ევრინომე

ევრინომე - ერთ ერთი ოკეანიდი. ოკეანოსის და ტეთისის ქალიშვილი. ოფიონეს ცოლი.

ერთ ერთი ვერსიის მიხედვით ევრინომე განსაკუთრებული სისუფთავისა და სიჭკვიანისათვის შეიყვარა ათენამ და არტემიდემ, აფროდიტეს კი, პირიქით ეჯავრებოდა. მან ზევსს შეაყვარა ევრინომე, იმიტომ რომ ამისთვის ზევსის ეჭვიან ცოლს ჰერას დაესაჯა იგი. ჰერამ ზევსისგან განრიდების მიზნით ევრინომე ადონისს შეართმევინა ცოლად.
გამძვინვარებულმა ზევსმა ელვით მოკლა ადონისი, მაგრამ მოგვიანებით უფლება მისცა მის აჩრდილს კვლავ დედამიწაზე დაბრუნებულიყო. არტემიდემ ევრინომე ფარშევანგად აქცია, შემეგ კი კვლავ ადამიანური სახე დაუბრუნა.

ერთ ერთი ვერსიის მიხედვით ოკეანიდი ევრინომე თეტიდას დაეხმარა ჰერას მიერ ოლიმპოდან გადმოგდებული ჰეფესტოს დამალვაში.

ჰესიოდეს მიხედვით ევრინომე ქარიტების დედაა, რომლებიც ზევსისგან ეყოლა.

აპოლოდორეს მიხედვით ევრინომეს ზევსისგან ეყოლა მდინარის ღმერთი ასოპოსი.

აპოლონე როდოსელის მიხედვით  ევრინომე ითვლებოდა ყველაფრის შემოქმედების საწყისად, რომელიც ქაოსმა შვა. მან განაცალკევა ცა ზღვისგან, წყლებზე ცეკვისას მან  ქარი დაიჭირა, რომელიც გველად - ოფიონად იქცა. გველმა გაანაყოფიერა ევრინომე, რომელმაც გარკვეული დროის შემდეგ დადო სამყაროსეული კვერცხი. ოფიონე შემოეხვია ამ კვერცხს იქამდე იყო ასე, სანამ არ გამოიჩეკა ”ყველაფერი”, სწორედ ამ კვერცხიდან წარმოიშვა ყოველივე ამ სამყაროში. ამის შემდეგ ევრინომე და ოფიონი გამეფდნენ ოლიმპოს მთაზე.

როდესაც კრონოსმა მამამისს ურანოსს ძალაუფლება დააკარგვინა, მას და მის ცოლს რეას მოუწიათ ხელჩართულ ბრძოლაში ჩაბმულიყვნენ  ოფიონთან და ევრინომესთან. დამარცხების შემდეს ოფიონე და ევრინომე ოკეანეს სიღრმეებში ჩააგდეს.

მეტიდა (მეტისი)

მეტიდა - ოკეანოსის და ტეთისის ქალიშვილი. ერთ ერთი ოკეანიდი. მეტიდა ითვლებოდა კარგი რჩევების, დაგეგმვის, მოხერხებულობის და  სიბრძნის ქალღმერთად.

როდესაც ჯერ კიდევ ახალგაზრდა ზევსი კრიტოსზე ცხოვრობდა, სანამ მამამისს შეერძოლებოდა, მას მეტიდა ზრდიდა. ზევსს ვნება გაუჩნდა თავისი აღმზრდელის მიმართ. თავიდან მეტიდა დედობრივი სიყვარულს განიცდიდა ზევსის მიმართ, მაგრამ როდესაც მიხვდა რომ ზევსს სხვა შეგრძნებები გააჩნდა მის მიმართ, სხვადასხვა სახეს იღებდა, რათა არიდებოდა ზევსთან შეხვედრას. თუმცა ბოლოს მაინც გახდა მისი ცოლი.

მეტიდა ზევსის არამარტო პირველი ცოლი, არამედ მრჩეველიც იყო, ზევსის და ტიტანების ომის დროს მან შეიმუშავა გეგმა, რომლის მიხედვითაც ზევსმა კრონოსს ისეთი სასმელი დაალევინა, რომ მისი ჩაყლაპული შვილები უკანვე ამოანთხევინა.

ჰესიოდეს ცნობებით, როდესაც მეტიდა ზევსისგან დაფეხმძიმდა, ზევსს გეამ უწინასწარმეტყველა, რომ მეტიდას ჯერ ქალიშვილი ეყოლებოდა შემდეგ კი ვაჟი, რომელიც  მამას სუძლიერით და გონიერებით გადააჭარბებდა.

ამ მოვლენის თავიდან ასაცილებლად ზევსმა გადაყლაპა თავისი ფეხმძიმე ცოლი. მაგრამ ბავშვმა მამის თავშიც განაგრძნო განვითარება. ზევსს თავის ისეთი ტკვილები დაეწყო , რომ ჰეფესტო იძულებული გახდა ჩაქუჩი ჩაერტყა ზევსისთვის, რის შედეგადაც გაიპო ზევსის თავი და ქვეყანას ათენა მოევლინა.
ამის შემდეგ ზევსს არ ეშინოდა მეტიდასი, ვინაიდან მიიღო მისგან სიკეთის და ბოროტების ცნობის უნარი.

მითი მეტიდას და ზევსის შესახებ  განასახიერებდა სიბრძნეს, რომელიც მიიღება ქალური და მამაკაცური საწყისების შეთავსებით. ათენა უკვე არაა უშუალოდ მეტიდას ქალიშვილი, არამედ უპირატესად ზევსის ქალიშვილია. მასში გაერთიანებულია დედის და მამის სიბრძნე.

უნდა აღინიშნოს, რომ პოეტების და მითოგრაფების უმრავლესობა ათენას განიხილავს უდედო ღვთაებად.

ოკეანიდები

ოკეანიდები - ოკეანოსის და ტეთისის ასულები. 
ზღვის ნიმფები.  ჰესიოდეს მიხედვით მათი რიცხვი სამი ათასია. ჰყავდათ ამდენივე ძმა - მდინარეების ღვთაებები. ოკეანიდებს კავშირი ჰქონდათ როგორც უკვდავ ღმერთებთან ასევე ადამიანებთანაც.

ოკეანიდები ითვლებიან ახალი თაობების აღმზრდელებად. 

ოკეანიდებს პოეტები ზღვის ქალწულებად ხატავდნენ, ხელოვანნი კი უფრო ხშირად თევზისბოლოიან ქალიშვილებად, რომელთაც ზღვის ბალახების გვირგვინი და ნიჟარების ფარღული ამშვენებდა, ხელშიც ნიჟარა ეჭირათ და დელფინებით სერავდნენ ზღვის ტალღებს.

ყველაზე მეტად განთქმულნი ოკეანიდებს შორის არიან:

მეტიდა (ზევსის პირველი ცოლი, ათენას დედა)
კლიმენე (ტიტან იაპეტის ცოლი, ატლანტოსის, პრომეთეს და ეპიმეთეს დედა)
ევრინომე (ოფიონეს ცოლი, ქარიტების დედა (ზევსისგან))
პლეიონე (ატლანტოსის ცოლი, პლეადების დედა)
პერსე (ჰელიოსის ცოლი, კოლხეთის მეფის აიეტის, კირკეს და პასიფაესას დედა)
დორიდე (ნერევსის ცოლი, ნერეიდების დედა)
ჰესიონა (პრომეთეს ცოლი)
კალიროე (ჰრისაორის ცოლი, სამთავიანი გერიონის დედა)

თემიდა (თემისი)

თემიდა (თემისი) - ერთ-ერთი ტიტანიდა.  ურანოსისა და გეას ასული.
ზევსის მეორე  ცოლი. ზევსისგან მას ეყოლა ბედისწერის განმასახიერებელი ქალღმერთები - მოირები: ატროპოსი, კლოთო და ლაქესისი.
ჰესიოდეს მიხედვით ზევსსა და თემიდას ქალიშვილები იყვნენ ჰორები: ევნომია (კანონიერება), დიკე (სამართლიანობა), ეირენე (მშვიდობა).

ესქილეს მიხედვით თემიდა - პრომეთეს დედაა.

თემიდა - სიმართლის, მართლმსაჯულებისა და წინასწარმეტყველების ქალღმერთია.
მოგვიანებით თემიდა დიკესთან ერთად უზენაეს ღვთაებათა მრჩეველი ხდება. იგი გადასცემდა ადამიანებს ზევსის ბრძანებებსა და ნება-სურვილს. თემიდა ითვლებოდა მოუსყიდავი და ობიექტური მსჯავრდებლების მფარველად.

თემიდას წინასწარმეტყველების უნარი ჰქონდა. ერთხელ მან პრომეთეს გაუმხილა, რომ ზევსს და თეტიდას ეყოლებათ შვილი, რომელიც ზევს ტახტიდან ჩამოაგდებს.

თემიდამ დედამისი გეასგან მიიღო დელფოსის ორაკული, რომლის მეშვეობითაც წინასწარმეტყველებებს ავრცელებდა. მოგვიანებით ეს ორაკული გადასცა თავის დას ფებეს, ხოლო ფებემ ის თავის შვილიშვილს აპოლონს აჩუქა დაბადების დღეზე.

თემიდამ ღმერთების კრება მოაწყო და ზევსს დაეხმარა ტროას ომის ბედის გადაწყვეტაში. თემიდას უკავშირდება წინასწარმეტველების, მსხვერპლთშეწირვისა და საღვთო რიტუალები.

რომაულ მითოლოგიაში თემიდას ანალოგს წარმოადგენს იუსტიცია. იუსტიციასგან განსხვავებით, მიუმხრობლობისა და ნეიტრალურობის ნიშნად თემიდას თვალახელილს გამოსახავდნენ,  რათა სიმართლე კარგად დაენახა, მას ხელში სასწორი და სიუხვის რქა ეჭირა. თუმცა უნდა ითქვას რომ თემიდას გამოსახვამ ევოლუცია განიცადა. დღეს მას თვალებიც აქვს ახვეული და სიუხვის რქის მაგივრად ხმალი უჭირავს, ეს ატრიბუტები მისი რომაული ანალოგისგან იუსტიციისგან არის ნასესხები.

თემიდა გადატანითი მნიშვნელობით მართლმსაჯულებას, სიმართლეს ნიშნავს. ხშირად მოსამართლეებსა და იურისტებს თემიდას მსახურებს უწოდებენ.

რეა

რეა - უფროსი ტიტანიდა. ურანოსისა და გეას ქალიშვილი. კრონოსის და და მეუღლე. რეა არის ჰესტიის, დემეტრას, ჰერას, აიდის, პოსეიდონის და ზევსის დედა, რომლებსაც ასევე კრონიდებს უწოდებენ.

რეა ნიშნავს ”ნაკადს” და ”უშუალობას”. ასევე ის ”დიდ დედად” მოიხსენიება. რეა განასახიერებდა დროის მიმდინარეობას და თაობების წარმოქმნის უწვეტ პროცესს. ასევე მშობიარობის წყლებს, რძეს და მენსტრუალურ სისხლს.

გეამ უწინასწარმეტყველა კრონოსს: შენი შვილი შენზე ძლიერი იქნება და უფლებებს წაგართმევსო. ამიტომ თავისი ძალაუფლება რომ შეენარჩუნებინა კრონოსი საკუთარ ახალშობილ შვილებს ყლაპავდა.

მნემოსინე

მნემოსინე - ერთ-ერთი ტიტანიდა, ურანოსისა და გეას ქალიშვილი.
იგი გონებისა და მეხსიერების განსახიერება, ასევე დროის ქალღმერთად ითვლება.  ზეპირსიტყვიერება, ზეპირი გადმოცემები, ისტორიები, საგები და მითები - ყველაფერი რაც არსებობს ადამიანთა მეხსიერებაში მნემოსინეს ემორჩილება.

მნემოსინე ცხრა მუზის დედაა. მითის მიხედვით მუზები მან ზევსისაგან დაბადა, რომელიც მეცხვარის სახით გამოეცხადა და აცდუნა. ცხრა ღამის განმავლობაში დადიოდა ზევსი მნემოსინასთან, შესაბამისად ცხრა ქალიშვილი ეყოლათ. მუზები განასახიერებდნენ ადამიანის ინტელექტუალურ და მხატვრტულ შესაძლებლობებს.

პავსანიის ცნობებით, ტროფონიის გამოქვაბულის სიახლოვეს იყო ორი წყარო: ლეთე (დავიწყების წყარო) და მნემოსინე (მეხსიერების წყარო)

მნემოსინე ყოვლისმცოდნე იყო, მან იცოდა რა იყო წარსულში, რა არის აწმყოში და რა იქნება მომავალში. როდესაც პოეტს ეუფლებიან მუზები, ის სვამს მნემოსინეს წყაროდან, ეს ნიშნავს, რომ ის შეიცნობს ყოველივეს  ”ფუძეებს”  და  ”საწყისებს ”...

ტეთისი

ტეთისი - ტიტანიდა.  ურანოსის და გეას ქალიშვილი. ოკეანოსის და და მეუღლე.  ოკეანიდებისა და მდინარეების ღვთაებების დედა.

 თეოგონიის მიხედვით ტეთისმა ოკეანოსს უშვა ბობოქარი მდინარეები: ნილოსი, ალფეოსი და ღრმამორევიანი ერიდანოსი. აგრეთვე ლამაზტალღებიანი ისტროსი(დუნაი), ფაზისი, რესოსი და ვერცხლივით ელვარე აქელოოსი.
ტეთისი ყველაფრისათვის სიცოცხლის მიმცემ დედად ითვლებოდა.
ტეთისმა და ოკეანოსმა შეიფარეს ზევსისაგან დევნილი ჰერა, რის გამოც ამის მერე ჰერა მათი ხშირი და სასურველი სტუმარი გახდა.

ოკეანოსი და ტეთისი წყლის სტიქიას განასახიერებდნენ, რის გამოც მათ ჩვეულებრივად საერთო სამლოცველოებს უშენებდნენ.

 ტიტანების და ოლიმპიელი ღმერთების ათწლიანი ბრძოლის დროს, რეამ თავისი საყვარელი ქალიშვილი ჰერა - ტეთისს და ოკეანოსს დაუტოვა, სადაც  ხმაურიანი ოლიმპოსგან მოშორებით,  იგი სიწყნარეში  და სიმშვიდეში აღიზარდა და დაბრძენდა.
ოკეანოსი და ტეთისი ხშირად ჩხუბობდნენ, ჰერა კი ყოველთვის სწრაფად და მოხერხებულად ახერხებდა მათ შერიგებას.

მოგვიანებით ტეთისი ისიდასთან გააიგივეს. პოეზიაში ტეთისს ზღვას უწოდებენ.

ფებე

ფებე - ურანოსის (ცა) და გეას (მიწა) ქალიშვილი. ერთ-ერთი ტიტანიდა. კოიოსის და და მეუღლე.  ლეტოსა და ასტერიას დედა. აპოლონისა, არტემიდეს  და ჰეკატეს ბებია.

ფებე ითვლება ინტელექტისა და წინასწარმეტყველების ქალღმერთად. მისი ეპითეტია ”გამომკითხველი”

ზოგიერთი მითის მიხედვით ფებე ახმოვანებდა გეას(მიწის) წინასწარმეტყველებებს, ხოლო მისი მეუღლე კოიოსი - ურანოსის (ცის).

ფებე ზოგი მითის მიხედვით ითვლებოდა აპოლონის დელფოური სამისნოს დამაარსებლად. ეს ტაძარი, გადმოგვცემს მითი, ფებემ აჩუქა შვილიშვილს(აპოლონს) დაბადების დღეზე.

სხვა ტიტანებთან ერთად მონაწილეობდა ზევსის წინაამღდეგ ბრძოლაში, დამარცხების შემდეგ ჩააგდეს ტარტაროსში.

გვიანდელ მითებში ფებეს აიგივებდნენ არტემიდესთან ან დიანასთან, პოეზიაში ის მთვარის სიმბოლოდ გვევლიდება.

თეია

თეია - ურანოსის (ცა) და გეას (მიწა) უფროსი ქალიშვილი. ერთ-ერთი ტიტანიდა. ჰიპერიონის და და მეუღლე. ჰელიოსის, სელენესა და ეოსის დედა.

თეია ითვლება სინათლის ღვთაებად. ასევე ის უზრუნველყოფდა ოქროს, ვერცხლის და ძვირფასი ქვების ბრწყინვალებას და ჭეშმარიტ ღირებულებას.
თეიას ასევე უწოდებენ ღვთაებას, რომელიც თვალყურს ადევნებს ადამიანებს, აკონტროლებს თესალიის და  ფთიოტისის ორაკულებს.

სხვა ტიტანებთან ერთად მონაწილეობდა ზევსის წინაამღდეგ ბრძოლაში, დამარცხების შემდეგ ჩააგდეს ტარტაროსში.

ერთ ერთი გვიანდელი მითის მიხედვით ტიტანებმა მოკლეს ჰიპერიონი და ამოხოცეს მისი შვილები, მაგრამ ღმერთებმა სელენა და ჰელიოსი მნათობებად აქციეს, თეია კი უკვდავყვეს და ცაში წაიყვანეს. ამის შემდეგ თეიას მსოფლიოს საწყისის ღვთაებად მიიჩნევდნენ. (მზის, მთვარის და განთიადის ქალღმერთი).
თეიას ზოგჯერ დიდ დედასთან - კიბელასთან აიგივებდნენ.

კრონოსი

კრონოსი - ურანოსის (ცა) და გეას (მიწა) ვაჟი. უმცროსი ტიტანი.  ტიტანიდი რეას ქმარი. მისგან შეეძინა შვილები: ჰესტია, დემეტრა, ჰერა, ჰადესი, პოსეიდონი და ზევსი. ხოლო ფერია ფილირასაგან ჰყავდა ვაჟი კენტავრი ქირონი.

თავდაპირველად კრონოსი - მიწათმოქმედების ღმერთი იყო, ხოლო მოგვიანებით დროის ღვთაებასთან ქრონოსთან იქნა გაიგივებული. იტალიაში კრონოსს სატურნთან აიგივებდნენ.

კრონოსის მამამ ურანოსმა გადამალა ტარტაროსში ასხელიანი გოლიათები და ციკლოპები რათა მათ დედამიწაზე სიბოროტე არ ჩაედინათ. ეს გეას ძალიან ეწყინა. მან შექმნა  მყარი და ბასრი ცელი და მოუხმო კრონოსს და მის ძმებს ტიტანებს რათა დამორჩილებოდნენ მას, კერძოდ უნდა შეწყვეტილიყო  ურანის შთამომავლობის მიღება. კრონოსმა ითავა ეს საქმე და გეას რჩევით  ჩაუსაფრდა მამას, როდესაც იგი ციდან ჩამოვიდა რომ გეასთან დაწოლილიყო,  ოთხმა ძმამ ტიტანმა: კოიოსმა, ჰიპერიონმა, იაპეტმა და კრიოსმა დაიჭირეს მამა ოთხივე მხრიდან, ხოლო კრონოსმა ცელით სასქესო ორგანო მოაჭრა.

ტიტანების და გათავისუფლებული ასხელიანი გოლიათების და ციკლოპების დახმარებით დაამხო კრონოსმა მამის ძალაუფლება და ქვეყნიერებაზე თვითონ გაბატონდა.

ოკეანოსი (ოკეანე)

ოკეანოსი - ურანოსის (ცა) და გეას (მიწა) შვილი. ერთ ერთი ტიტანი. ტიტანიდა ტეთისის ძმა და მეუღლე. ჰყავდა 3000 ვაჟი  და 3000 ქალიშვილი, ე.წ. ოკეანიდები.

სხვა ვერსიების მიხედვით ოკეანოსის შვილებად მიჩნეულნი არიან ასევე კერკოპები (მაიმუნისმაგვარი ჯამბაზი მამაკაცები) და ტრიპტოლემოსი. 

ოკეანოსი განასახიერებდა მდინარეს, რომელიც გარს უვლის დედამიწას. ოკეანოსიდან გამოედინება ზღვის ყველა დინება, მდინარე, ნაკადული თუ წყარო. ოკეანოსიდან ამოდის და ოკეანოსში ჩადის მზე, მთვარე და ვარსკვლავები.

ოკეანოსი არ მონაწილეობდა არც საკუთარი მამის - ურანოსის წინაამღდეგ შეთქმულებაში და არც ზევსის  წინაამღდეგ ბრძოლაში და ამიტომაც შეინარჩუნა საკუთარი ძალაუფლება.

ოკეანოსი გამოირჩეოდა მშვიდობისმოყვარეობით და კეთილშობილებით. (იგი უშედეგოდ ცდილობდა ზევსის და პრომეთეს შერიგებას.)
ღმერთები პატივს მიაგებენ მოხუც ოკეანოსს, ზრუნავენ მასზე.

უკიდურეს დასავლეთში ოკეანე ეხეთქება სიცოცხლის და სიკვდილის სამყაროების საზღვრებს. ოკეანეს აღმოსავლეთში კი მიწიქვეშა სამეფოს შესასვლელია. სწორედ აქ იშვა პეგასი. ესქილე ასახელებს ოკეანოსს ფრთოსანი რაშის მფლობელად.

ოკეანოსს გამოსახავდნენ ხარის რქებით და გველთევზის კუდით ფეხების მაგივრად.

იაპეტი (იაპეტოსი)

იაპეტი - ურანოსის (ცა) და გეას (მიწა) ვაჟი. ერთ ერთი ტიტანი. ოკეანოსის ქალიშვილის კლიმენეს (სხვა ვერსიით აზიის) ქმარი. ატლანტოსის, მენეთევსის,  პრომეთესა და ეპიმეთეს მამა.

როდესაც ურანოსი ციდან ჩამოვიდა რომ თავის ცოლთან გეასთან დაწოლილიყო , ოთხმა ძმამ ტიტანმა: კოიოსმა, ჰიპერიონმა, იაპეტმა და კრიოსმა დაიჭირეს მამა ოთხივე მხრიდან, ხოლო კრონოსმა ცელით სასქესო ორგანო მოაჭრა.

 კრონოსი გახდა ტიტანების ხელმძღვანელი, ზეცის გამგებელი, ოთხმა ძმამ კი გაინაწილა სამყაროს მხარეები. კოიოსმა- ჩრდილოეთი, ჰიპერიონმა - აღმოსავლეთი, იაპეტმა - დასავლეთი , ხოლო კრიოსმა - სამხრეთი.

ოთხი ძმა განასახიერებდა სამყაროს ოთხ ბოძს, რომლებიც აკავშირებდნენ ცას მიწასთან.

იაპეტს სამყაროს დასავლეთი ეკუთვნოდა, ამაზე მეტყველებს ის ფაქტი, რომ მოგვიანებით ცის ეს ნაწილი მისმა შვილმა ატლანტოსმა დაიკავა.

იაპეტს უწოდებდნენ ”ტატუს გამკეთებლად”, ის განაგებდა სასრული სიცოცხლის ხანგრძლივობას. მართლაც მისი შვილები პრომეთე და ეპიმეთე ითვლებოდნენ ადამიანების და სხვა ცოცხალი არსებების შემოქმედებად.

იაპეტმა ისევე როგორც სხვა ტიტანებმა მიიღო მონაწილეობა ტიტანომახიაში, იბრძოდა ოლიმპიელი ღმერთების წინაამღდეგ, დამარცხდა და თავის და-ძმებთან ერთად ტარტაროსში იქნა ჩაგდებული.  ჰესიოდეს აღწერით ეს ის ადგილია, სადაც მიწის, ცის და ზღვის ფესვები უერთდებიან ერთმანეთს, სწორედ აქედან გამომდინარეობს ტიტანების როგორც ცის მპყრობელების ეპითეტი.

პინდარეს მიხედვით, ზევსმა საბოლოოდ შეიწყალა ტიტანები და გაათავისუფლა ტარტაროსიდან.

ჰიპერიონი

ჰიპერიონი - ურანოსის (ცა) და გეას (მიწა) ვაჟი. ერთ ერთი ტიტანი.  ტიტანიდა თეიას მეუღლე. ჰელიოსის(მზე), სელენესა (მთვარე) და ეოსის (განთიადი) მამა.

როდესაც ურანოსი ციდან ჩამოვიდა რომ თავის ცოლთან გეასთან დაწოლილიყო , ოთხმა ძმამ ტიტანმა კოიოსმა, ჰიპერიონმა, იაპეტმა და კრიოსმა დაიჭირეს იგი ოთხივე მხრიდან, ხოლო კრონოსმა ცელით სასქესო ორგანო მოაჭრა.

კრონოსი გახდა ტიტანების ხელმძღვანელი, ზეცის გამგებელი, ოთხმა ძმამ კი გაინაწილეს სამყაროს მხარეები. კოიოსმა- ჩრდილოეთი, ჰიპერიონმა - აღმოსავლეთი, იაპეტმა -დასავლეთი , ხოლო კრიოსმა - სამხრეთი.

ოთხი ძმა განასახიერებდა სამყაროს ოთხ ბოძს, რომლებიც აკავშირებდნენ ცას მიწასთან.

როგორც მზის მამა ბუნებრივია ჰიპერიონი აღმოსავლეთის გამგებლად ჩაითვალა.
მისი სახელი „ძალიან მაღალს“ აღნიშნავს. ცაში აღმავალი ტიტანი ხშირად ასოცირდებოდა მის შვილთან, მზის ღმერთთან ჰელიოსთან.

ჰიპერიონმა ისევე როგორც სხვა ტიტანებმა მიიღო მონაწილეობა ტიტანომახიაში, იბრძოდა ოლიმპიელი ღმერთების წინაამღდეგ, დამარცხდა და თავის და-ძმებთან ერთად ტარტაროსში იქნა ჩაგდებული. ჰესიოდეს აღწერით ეს ის ადგილია, სადაც მიწის, ცის და ზღვის ფესვები უერთდებიან ერთმანეთს, სწორედ აქედან გამომდინარეობს ტიტანების როგორც ცის მპყრობელების ეპითეტი.

პინდარეს მიხედვით, ზევსმა საბოლოოდ შეიწყალა ტიტანები და გაათავისუფლა ტარტაროსიდან.

კრიოსი

კრიოსი - ურანოსის (ცა) და გეას (მიწა) ვაჟი. ერთ ერთი ტიტანი. პონტოსის ქალიშვილის, ევრიბიას ქმარი. ასტრეოსის, პალანტის, პერსესის მამა. ზოგიერთ მითის მიხედვით ურჩხული პითონის მამა.

როდესაც ურანოსი ციდან ჩამოვიდა თავის ცოლთან გეასთან მიწაზე, ოთხმა ძმამ ტიტანმა კოიოსმა, ჰიპერიონმა, იაპეტმა და კრიოსმა დაიჭირეს იგი ოთხივე მხრიდან, ხოლო კრონოსმა ცელით სასქესო ორგანო მოაჭრა.

კრონოსი გახდა ტიტანების ხელმძღვანელი, ზეცის გამგებელი, ოთხმა ძმამ კი გაინაწილეს სამყაროს მხარეები. კოიოსმა- ჩრდილოეთი, ჰიპერიონმა - აღმოსავლეთი, იაპეტმა -დასავლეთი , ხოლო კრიოსმა - სამხრეთი.

ოთხი ძმა განასახიერებდა სამყაროს ოთხ ბოძს, რომლებიც აკავშირებდნენ ცას მიწასთან.

კრიოსს ხშირად მოიხსენიებენ როგორც ”ცხვარს” ანუ ვერძის თანავარსკვლავედს, რომელიც გაზაფხულზე სამხრეთიდან ამოდის, რითაც ბერძნული ახალი წლის დადგომის მომასწავებელია.

კრიოსმა ისევე როგორც სხვა ტიტანებმა მიიღო მონაწილეობა ტიტანომახიაში, იბრძოდა ოლიმპიელი ღმერთების წინაამღდეგ, დამარცხდა და თავის და-ძმებთან ერთად ტარტაროსში იქნა ჩაგდებული. ჰესიოდეს აღწერით ეს ის ადგილია, სადაც მიწის, ცის და ზღვის ფესვები უერთდებიან ერთმანეთს, სწორედ აქედან გამომდინარეობს ტიტანების როგორც ცის მპყრობელების ეპითეტი.

პინდარეს მიხედვით, ზევსმა საბოლოოდ შეიწყალა ტიტანები და გაათავისუფლა ტარტაროსიდან.

კოიოსი

კოიოსი - ურანოსის (ცა) და გეას (მიწა) ვაჟი. ერთ ერთი ტიტანი. ტიტანიდი ფებეს ძმა და მეუღლე, .  ლეტოსა და ასტერიას მამა. აპოლონისა, არტემიდეს  და ჰეკატეს ბაბუა.
როდესაც ურანოსი ციდან ჩამოვიდა თავის ცოლთან გეასთან რომ დაწოლილიყო, ოთხმა ძმამ ტიტანმა: კოიოსმა, ჰიპერიონმა, იაპეტმა და კრიოსმა დაიჭირეს იგი ოთხივე მხრიდან, ხოლო კრონოსმა ცელით სასქესო ორგანო მოაჭრა.

კრონოსი გახდა ტიტანების ხელმძღვანელი, ზეცის გამგებელი, ოთხმა ძმამ კი გაინაწილეს სამყაროს მხარეები. კოიოსმა- ჩრდილოეთი, ჰიპერიონმა - აღმოსავლეთი, იაპეტმა - დასავლეთი , ხოლო კრიოსმა - სამხრეთი.

ოთხი ძმა განასახიერებდა სამყაროს ოთხ ბოძს, რომლებიც აკავშირებდნენ ცას მიწასთან.

კოიოსი და მისი მეუღლე ფებე ასევე ითვლებოდნენ ზეციური ორაკულების გამგებლებად. ისინი აკონტროლებდნენ დელფოს სამისნოსაც დედამიწაზე.

კოიოსმა ისევე როგორც სხვა ტიტანებმა მიიღო მონაწილეობა ტიტანომახიაში, იბრძოდა ოლიმპიელი ღმერთების წინაამღდეგ, დამარცხდა და თავის და-ძმებთან ერთად ტარტაროსში იქნა ჩაგდებული. ჰესიოდეს აღწერით ეს ის ადგილია, სადაც მიწის, ცის და ზღვის ფესვები უერთდებიან ერთმანეთს, სწორედ აქედან გამომდინარეობს ტიტანების როგორც ცის მპყრობელების ეპითეტი.

დემეტრას წყალობით კოიოსი გამოვიდა ტარტაროსიდან, იგი გაექცა ზევსს ჩრდილოეთში, სადაც პოლარულ ვარსკვლავად გადაიქცა.

პინდარეს მიხედვით, ზევსმა საბოლოოდ შეიწყალა ტიტანები და გაათავისუფლა ტარტაროსიდან.

კოიოსი მიიჩნევა სიბრძნის, შორსმჭვრეტელობის და ზეციური ცოდნის ღმერთად. ასევე ცის ღერძის განსახიერებად, რომელზედაც გადაადგილდებიან ღრუბლები, ჰელიოსი (მზე) და სელენა (მთვარე).

ტიტანები და ტიტანიდები

ტიტანები და ტიტანიდები - ურანოსის (ცა) და გეას (მიწა) შვილები. ღმერთების პირველი თაობა. ჰეკატონჰეირების, გიგანტების და ციკლოპების ძმები.
ბერძნული მითოლოგია
ტიტანები იყვნენ: ჰიპერიონი, იაპეტი, კოიოსი, კრიოსი, ოკეანოსი და კრონოსი
ტიტანიდები კი მათი დები: მნემოსინე, რეა, თეია, ტეთისი, თემიდა და ფებე.


გადმოცემის თანახმად ურანოსმა თავისი შვილები მიწაში ჩაყარა და მაღლა აღარ უშვებდა. შვილების ტანჯვამ გეა ააღელვა და კრონოსს ურჩია მამის წინაამღდეგ აღმსდგარიყო.

თეტიდა

თეტიდა - ზღვის ქალღმერთი. ერთ ერთი ნერეიდთაგანი. ნერევსისა და დორიდეს ქალიშვილი. ბერძნული მითოლოგია
მითის ზოგიერთი ვერსიით იგი კენტავრ ქირონის ასულია.

როგორც ნერევსის უფროსი ქალიშვილი, თეტიდა ითვლებოდა ნერეიდების უფროსად და ხელმძღვანელად. თეტიდა ხშირად ეხმარებოდა ღმერთებს და ამით მათ პატივისცემას იმსახურებდა. მაგალითად, მან მოუხმო ასხელიან გოლიათს ბრიარეოსს ზევსის დასახმარებლად, როდესაც ათენა, ჰერა, პოსეიდონმა გადაწყვიტეს ოლიმპოზე ძალაუფლება ჩაეგდოთ ხელში და  ზევსს შეუკრეს ხელფეხი.
სწორედ თეტიდა მალავდა ათი წლის განმავლობაში ოლიმპოდან გადმოგდებულ ჰეფესტოს,  დაეხმარა დიონისეს ლიკურგიუსისაგან თავის დაღწევაში.
 თეტიდის დახმარებით არგონავტებმა შეძლეს სრუტის გავლა სცილასა (სკილა) და ქარიბდის გვერდით ავლით. ის დაცურავდა დელფინზე ამხედრებული.

ზევსმა და პოსეიდონმა შეძლეს თეტიდასთან გამიჯნურება, მაგრამ როდესაც სამისნომ იწინასწარმეტყველა თეტიდას ვაჟი სიძლიერით მამას გადააჭარბებსო, ზევსმა ხელი აიღო მასთან ქორწინებაზე და იძულების მიათხოვა მოკვდავ პელევსს.

გალათეა

გალათეა - ერთ ერთი ნერეიდთაგანი.  ნერევსის და დორიდეს ქალიშვილი. წყნარი და მოკამკამე ზღვის განსახიერება. ბერძნული მითოლოგია
 ერთხელ ციკლოპმა პოლიფემოსმა იხილა წყლიდან ამომავალი გალათეა და იმწამსვე მისი სიყვარულის ტყვედ იქცა.  პოლიფემოსი ცდილობდა გალათეას  გულის მოგებას, მაგრამ გალათეა მას თავს არიდებდა. სევდით მოცული პოლიფემოსი ადიოდა კლდეზე, ფლეიტას ამღერებდა და თან წუწუნებდა თავის გარეგნობაზე, მას ეგონა, რომ ეს იყო იმის მიზეზი რატომაც გალათეა მას არიდებდა თავს.

გალათეას გული სხვას ეკუთვნოდა, იგი შეყვარებული იყო სიცილიელ მეცხვარე აკიდზე, პანის (ფავნუსის) ვაჟიშვილზე.  
ერთხელ, როდესაც პოლიფემოსი მთაზე იყო ასული და ცხვრებს მწყემსავდა, ზღვის სანაპიროზე მოსეირნე აკიდი დაინახა გალათეასთან ერთად. გაშმაგებულმა პოლიფემოსმა ხმამაღლა იღრიალა,  გალათეამ მოასწრო ზღვის ტალღებში დამალულიყო, ხოლო აკიდს პოლიფემოსის მიერ ნატყორცნი კლდე მოხვდა. მოკლული აკიდის სისხლი მდინარედ გადაიქცა, რომელიც ზღვას შეუერთდა.

ღმერთებმა აკიდი მდინარის ღვთაებად აქციეს.

ამფიტრიტე

ამფიტრიტე - ერთ ერთი ნერეიდა. ნერევსის და დორიდეს ქალიშვილი, შემდეგში პოსეიდონის მეუღლე. გამოსახებოდა პოსეიდონის გვერდით ეტლში მჯდომარე. ეტლში შებმული იყვნენ ჰიპოკამპები ან ტრიტონები. ამფიტრიტეს ხელში უჭირავს სამკბილა.  ბერძნული მითოლოგია

უყვარდა ზღვის ღმერთს პოსეიდონს ნერეიდების სიმღერების მოსმენა და მათი ცეკვის ყურება. ზღვის ღმერთი აღტაცებული იყო ნერეიდების ახალგაზრდობით და ღვთაებრივი სილამაზით.
ყველაზე ლამაზი და ამავე დროს ყველაზე ცელქი ნერეიდებს შორის იყო ამფიტრიტე, მან თავიდანვე მიიზიდა პოსეიდონი,  რომელმაც გადაწყვიტა წაეყვანა იგი თავის სასახლეში, რომ მისი მეუღლე გამხდარიყო. მაგრამ ამფიტრიტემ ამოიკითხა ეს ჩანაფიქრი პოსეიდონის თვალებში,  და გაექცა მას. მიაღწია დედამიწის კიდეს, სადაც ტიტან ატლასს მხრებით ეკავა ცის თაღი.  მოუყვა ატლასს, რომ პოსეიდონს მისი მოტაცება სურდა და დახმარება სთხოვა. ატლასმა იგი დამალა ოკეანის სიღრმეებში.

ნერეიდები

ნერეიდები - ზღვის ღმერთის ნერევსის და დორიდას ქალიშვილები, ზღვის ფერიები. ჰომეროსის მიხედვით ისინი 34 არიან, სხვა მითების მიხედვით - 100. ყველაზე გავრცელებული ვერსიითდ კი მათი რიცხვი 50-ია. ბერძნული მითოლოგია

ნერეიდები ცხოვრობენ ზღვის ფსკერზე, თავიანთი მამის - ნერევსის სასახლეში. იქ ისინი ართავენ ოქროს თითისტარებით, ცეკვავენ ზღვის ტალღების რიტმზე, მთვარიან ღამეს გამოდიან სანაპიროზე და ტრიტონებს ცეკვაში ეჯიბრებიან. ნერეიდები გულმოწყალენი არიან და ხშირად ეხმარებიან მეზღვაურებს და საერთოდ ადამიანებს. ნერეიდები დაეხმარნენ, მაგალითად არგონავტებს, აქილევსსა და სხვებს.

ყველაზე სახელგანთქმული ნერეიდები არიან:
1. ამფიტრიტე - პოსეიდონის ცოლი .
2. თეტიდა - აქილევსის დედა.
3. გალათეა - აკიდის სატრფო. ციკლოპი პოლიფემოსი იყო მასზე შეყვარებული.

ნერეიდებს თაყვანს სცემდნენ განსაკუთრებით კუნძულებისა და ზღვის სანაპიროთა მცხოვრებლები. ნერეიდები გამოისახებონენ ულამაზეს ახალგაზრდა ქალებად, გარს ეხვიათ ათასგვარი ზღვაში მობინადრე ურჩხულები და ტრიტონები. ხშირად გამოსახებოდნენ ტრიტონის ან დელფინის ზურგზე მოცეკვავენი. 

                                                                                                                                 პოსეიდონს მოეწონა ამფიტრიტე